倪匡解碼quota人生

著名本地作家倪匡噚日做維園阿伯，維園做個人騷，向在場近200名市民大演棟篤笑。倪匡家心廣體胖，面色白中帶紅，遠睇有似壽星公，事關佢冇飲酒同食煙好耐，佢話呢個係quota（配額）問題，即係話一個人去到某階段自然會用盡某方面配額，跟住就不得不停手。

佢話以前每日五包煙，好快飲晒兩支拔蘭地，點知突然一日覺得唔想食煙，咁就唔食。佢又無端端有一日飲一支酒，覺得頭暈想嘔，無晒酒量，於是就唔再做劉伶，就算寫作亦係咁樣收工，搞到倪匡迷冇得再同偶像神交。不過好在佢仲好鍾意睇書，雖然住響銅鑼灣，咁多野買，但都可以屋企係咁睇書，唔使落街。

倪匡話DNA決定一個人性格，佢就係樂天知命、豁達種DNA，一直都唔唔同人計較同唔執著損失，佢認為既然每個人都係赤條條咁，故此得唔到就唔係損失啦。佢曾經有朋友死個仔，佢向朋友話：「本來你冇仔，家死有乜緊要？」聽聽，八方就諗起莊周蝴蝶夢同逍遙遊，達觀到不得了呀！ 佢叫市民問得就問，因為分分鐘佢會埋單咁話。

當年靠食老鼠維生
想當年貧窮，倪匡話時幾乎餓死咁滯，好在識得捉老鼠同四腳蛇食，所以家乜都會笑一餐，冇乜所謂，例如曾經望住自己叫一碟鮮茄豬扒飯，就莫名其妙咁對住碟飯大笑一輪，搞到對面位阿叔以為佢黐線。沙士期間佢聽到有個靚女話冇牛油包點食，真係唔知覺得好嬲定好笑。對於時下人成日話年輕一代中文水準越越低，倪匡話其實講呢說話人都係上左年紀，佢地要要明白乜都度變緊，應該盡量去適應，又話每個人都應該有部電腦，因為電腦好處多過壞處，係一個好好圖書館同資料庫。

台下有個家長向倪匡投訴個細路鍾意睇漫畫，佢竟回答話冇問題，因為好似古人讀書讀到廢寢忘餐一樣，所以個細路將來會好有前途，個家長今次可能真係畀佢激死。

倪匡好慶幸呢一世可以寫作維生，否則都唔知點算。佢鼓勵年輕人要睇多書，因為好似人冇收入，之後又點去提款呢？佢話睇多書就會有靈感，有靈感就可以係咁寫，就好似以前某朋友話佢係咪外星人附體一樣，好似來自另一個星球咁……倪匡即係倪匡，說話始終係用科幻怪誕結束。